- Продолжительность 04:42
- Формат mp3
- Альбом Kaal Bhairav Ashtakam - Single
Трек очень похож на
- Название Kaal Bhairav Ashtakam
- Исполнитель Avinash Gupta
- Жанр Indian Folk
- Год релиза 2021
- ISRC TCAGI2258860
Видео
Текст песни
वाराणस्यां भैरव देव, संसार भयनाशनम्
अनेक जन्म कृतं पापम्, दर्शनेन विनश्यति
ॐ नमः शिवाय
देवराजसेव्यमानपावनांघ्रिपङ्कजं
व्यालयज्ञसूत्रमिन्दुशेखरं कृपाकरम्
नारदादियोगिवृन्दवन्दितं दिगंबरं
काशिकापुराधिनाथकालभैरवं भजे
भानुकोटिभास्वरं भवाब्धितारकं परं
नीलकण्ठमीप्सितार्थदायकं त्रिलोचनम्
कालकालमंबुजाक्षमक्षशूलमक्षरं
काशिकापुराधिनाथकालभैरवं भजे
(कालभैरवं भजे, कालभैरवं भजे)
(कालभैरवं भजे)
ॐ नमः शिवाय
शूलटंकपाशदण्डपाणिमादिकारणं
श्यामकायमादिदेवमक्षरं निरामयम्
भीमविक्रमं प्रभुं विचित्रताण्डवप्रियं
काशिकापुराधिनाथकालभैरवं भजे
(कालभैरवं भजे, कालभैरवं भजे)
भुक्तिमुक्तिदायकं प्रशस्तचारुविग्रहं
भक्तवत्सलं स्थितं समस्तलोकविग्रहम्
विनिक्वणन्मनोज्ञहेमकिङ्किणीलसत्कटिं
काशिकापुराधिनाथकालभैरवं भजे
(कालभैरवं भजे, कालभैरवं भजे)
धर्मसेतुपालकं त्वधर्ममार्गनाशकं
कर्मपाशमोचकं सुशर्मधायकं विभुम्
स्वर्णवर्णशेषपाशशोभितांगमण्डलं
काशिकापुराधिनाथकालभैरवं भजे
(कालभैरवं भजे, कालभैरवं भजे)
(कालभैरवं भजे)
ॐ नमः शिवाय
रत्नपादुकाप्रभाभिरामपादयुग्मकं
नित्यमद्वितीयमिष्टदैवतं निरंजनम्
मृत्युदर्पनाशनं करालदंष्ट्रमोक्षणं
काशिकापुराधिनाथकालभैरवं भजे
(कालभैरवं भजे, कालभैरवं भजे)
अट्टहासभिन्नपद्मजाण्डकोशसंततिं
दृष्टिपात्तनष्टपापजालमुग्रशासनम्
अष्टसिद्धिदायकं कपालमालिकाधरं
काशिकापुराधिनाथकालभैरवं भजे
(कालभैरवं भजे, कालभैरवं भजे)
(कालभैरवं भजे)
ॐ नमः शिवाय
भूतसंघनायकं विशालकीर्तिदायकं
काशिवासलोकपुण्यपापशोधकं विभुम्
नीतिमार्गकोविदं पुरातनं जगत्पतिं
काशिकापुराधिनाथकालभैरवं भजे
(कालभैरवं भजे, कालभैरवं भजे)
कालभैरवाष्टकं पठंति ये मनोहरं
ज्ञानमुक्तिसाधनं विचित्रपुण्यवर्धनम्
शोकमोहदैन्यलोभकोपतापनाशनं
प्रयान्ति कालभैरवांघ्रिसन्निधिं नरा ध्रुवम्
काशिकापुराधिनाथकालभैरवं भजे
(कालभैरवं भजे)
